मुंबई (मवृसे) कोरोनासाठीचे हॉटस्पॉट, कंटेंटमेंट झोन आणि बाजारपेठा वगळून देशात सर्वत्र दुकाने सुरू करण्याची परवानगी एका आदेशान्वये केंद्रीय गृहमंत्रालयाने दिली असली तरी या आदेशावर अद्याप महाराष्ट्र सरकारने कोणताही निर्णय घेतलेला नाही. देशात महाराष्ट्रामध्ये करोनाचे सर्वाधिक रुग्ण असून करोनाचा वाढता फैलाव रोखण्यासाठी राज्य सरकार प्रत्येक निर्णय अगदी विचारपूर्वक घेत आहे. केंद्र सरकारने शुक्रवारी रात्री उशिरा एक आदेश काढून देशातील सर्व राज्ये व केंद्रशासित प्रदेशांत नोंदणीकृत दुकाने सुरू करण्यास परवानगी दिली.महापालिका आणि नगरपरिषदांच्या हद्दीत निवासी भागातील सर्व दुकाने उघडण्याचा मार्ग यामुळे मोकळा झाला. मात्र, महाराष्ट्रात याबाबत तातडीने कोणताही निर्णय घेण्यात आलेला नाही.
केंद्र सरकारने दुकाने सुरू करण्यास परवानगी दिली असली तरी याची अंमलबजावणी महाराष्ट्रात करायची की नाही, यावर अद्याप विचार सुरू असल्याचे एका अधिकाèयाने सांगितले. केंद्राने जारी केलेला आदेश अद्याप राज्याने स्वीकारलेला नाही, असेही या अधिकाèयाने नमूद केले. त्यामुळेकरोनाचा वाढता प्रादुर्भाव लक्षात महाराष्ट्रात दुकाने उघडणार की नाही, याची अद्याप स्पष्टता झालेली नाही. दरम्यान, केंद्र सरकारच्या दिशानिर्देशानुसार महाराष्ट्र सरकारने आधीच राज्यातील कंटेंटमेंट झोन नसलेल्या भागांत उद्योगधंदे सुरू करण्यास काही अटी घालून परवानगी दिली आहे. मुंबई, पुण्यात दिलेली सवलत मात्र गर्दी तसेच घेऊन अवघ्या एका दिवसात रद्द करण्यात आली होती. दुसरीकडे या दोन्ही शहरांत मान्सूनपूर्व कामे करण्यास मात्र अनुमती देण्यात आली आहे. शिवाय पंख्याची दुकाने आणि पुस्तकांची दुकाने उघडण्यास परवानगी देण्यात आली आहे.
