चंद्रपूर (का.प्र.) गोंदिया-आमगाव मार्गावरील दहेगाव गाव शिवारातील वळणावर टायर फुटल्याने अनियंत्रित कार झाडावर जाऊन आदळून पलटली.या घटनेत कार चालकाचा घटनास्थळीच मृत्यू झाला. हि घटना बुधवारी ता. २७ ला दुपारच्या सुमारास घडली. प्रशांत दौलतराव खनके (४२)रा. तुकूम चंद्रपूर असे मृताचे नाव आहे.मध्य प्रदेश राज्यातील लांझी येथील नातेवाईकाच्या अंत्य यात्रेत सहभागी होण्यासाठी चंद्रपूर येथून कार क्रं. एम एच ३४/ए एम -३०५० ने प्रशांत खनके हा जात होता.गोंदिया-आमगाव मार्गावरील दहेगाव वळणावर कारचे टायर फुटल्याने अनियंत्रित कार झाडावर जाऊन आदळली व पालटली. या घटनेत प्रशांत खनके यांचा जागीच मृत्यू झाला. या घटनेची नोंद आमगाव पोलीस ठाण्यात करण्यात आली आहे.
