चंद्रपूर (का. प्र ):चंद्रपूर शहर महानगर पालिकेची सर्वसाधारण सभा आज ३० जून २०२० रोजी पार पडली या सभेत माजी अर्थ व नियोजन मंत्री सुधीरभाऊ मुनगंटीवार यांच्या सूचनेनुसार कोरोनाच्या पार्श्वभूमीवर सुरु झालेल्या लॉकडाऊन मध्ये ज्या नागरिकांनी मालमत्ता कराचा भरणा ३१ मार्च २०२० पर्यंत केलेला नाही. त्यांना ३१ डिसेंबर पर्यंत मुदतवाढ द्यावी व त्यांच्यावर कोणत्याही प्रकारचा दंड किंवा शास्ती आकारू नये असे निर्देश महापौर राखीताई कंचर्लावार यांना दिले. या सूचनांचे पालन करण्याचे निर्देश महापौरांनी आयुक्तांना दिले असून आता नागरिक ३१ डिसेंबर पर्यंत मालमत्ता कर भरू शकणार आहे.
