चंद्रपूर – शहरातील प्रशासकीय भवनात असलेले अन्न व औषध प्रशासन कार्यालयाला सकाळी आग लागली, या आगीत कागदपत्रे व जप्त केलेले अवैध सुगंधित तंबाखू जळाले असल्याची माहिती आहे.
सकाळी प्रशासकीय भवन परिसरातून फेरफटका मारताना काही नागरिकांना वरच्या मजल्यावरून धूर निघताना दिसला याबाबत अग्निशमन विभागाला माहिती देण्यात आली.
तात्काळ अग्निशमन विभागाची गाडी घटनास्थळी दाखल झाली व लवकर त्यांनी आगीवर नियंत्रण मिळविले.
सदर आग कशामुळे लागली याबाबत कारण अद्याप अस्पष्ट आहे, मात्र जप्त असलेला सुगंधित तंबाखूचा काही साठा जळाला अशी माहिती पुढे आली आहे.
शहरातील हवेत काही वेळ तंबाखू मिश्रित धूर मिसळण्याचे काम काही वेळ सुरू होते.
