घुग्घुस(प्र.ति ) : घुग्घुस येथे सराफा दुकानात अज्ञातांनी चोरी केल्याची घटना 6 फेब्रुवारीला उघडकीस आली. बँक ऑफ इंडिया चौकातील श्री बालाजी ज्वेलरी दुकानांत चोरी दररोज प्रमाणे सतीश रंगुवार हे दुकान बंद करून घरी गेले मात्र अंधाराचा फायदा घेत मध्यरात्री च्या सुमारास 3 अज्ञात आरोपींनी शटर लॉक तोडत आत प्रवेश केला व चांदीचे आभूषण, अंगुठी, प्लेट यावर हात साफ केला, दुकानातील मुख्य तिजोरीला तोडण्याचा प्रयत्न करण्यात आला मात्र आरोपींना ते जमलेला नाही त्यामुळे चांदीच्या वस्तू घेत ते पसार झाले.बँक ऑफ इंडिया चौकात अनेक बँकांचे एटीएम सेंटर आहे त्या सीसीटीव्ही मध्ये ते 3 आरोपी कैद झाले आहे, घटनेची माहिती मिळताच सहायक पोलिस निरीक्षक मेघा गोखरे व पोलीस उपनिरीक्षक गौरीशंकर आमटे हे आपल्या ताफ्यासह पोहचले असून घटनेची चौकशी करीत आहे.
