चंद्रपूर (का.प्र.) चंद्रपूर शहरापासून काही अंतरावर असलेल्या रामनगर पोलीस स्टेशन हद्दीतील चेक निंबाळा गावात एका फार्म हाऊसवर सुगंधित तंबाखू असल्याची गोपनीय माहिती रामनगर पोलिसांना मिळाली होती. त्या माहितीच्या आधारे पोलिसांनी फार्म हाऊसवर धाड टाकली असता जवळपास ५० लाखांचा सुगंधित तंबाखूचा साठा आढळून आला. या प्रकरणी पोलिसांनी तीन आरोपींना अटक केली असून पुढील कारवाई सुरु आहे.
