भद्रावती शहर ५ जणब्रम्हपुरी तालुका ३ जण
गडचांदूर ३ जण
जानाळात दोघे, बेंबाळ येथे
एक नागरिक पॉझिटीव्ह
*आतापर्यत ८० कोरोनातून बरे*
*६८ बाधितांवर उपचार सुरू*
चंद्रपूर जिल्ह्यामध्ये गुरुवार दिनांक ९ जुलै रोजी आरोग्य विभागाकडून आलेल्या प्राथमिक माहितीनुसार एकाच दिवशी १४ बाधित पुढे आले आहेत. कालपर्यंत जिल्ह्यामध्ये १३४ पॉझिटीव्ह आढळले होते. आज त्यामध्ये १४ बाधिताची भर पडल्याने एकूण संख्या १४८ झाली आहे. आतापर्यंत ८० नागरिक कोरोना मुक्त झाले असून सध्या ६८ नागरिक जिल्हयात उपचार घेत आहेत. १४८ संख्येमध्ये चंद्रपूर शहरात निदान झालेले अन्य जिल्हयातील ४ बाधित आहेत. हे चारही बाधित राज्य राखीव पोलीस दलाचे जवान आहेत.
ब्रम्हपुरी येथील बाधितांची संख्या रोज वाढत आहे. गुरुवारी ब्रह्मपुरी शहरातील भवानी वार्ड येथील एक, तालुक्यातील खेड व बेटाळा या दोन गावातील प्रत्येकी एका पॉझिटिव्हचा समावेश आहे. तालुक्यातील आजची पॉझिटीव्ह संख्या तीन झाली आहे.
तर मूल तालुक्यातील बेंबाळ येथील हैदराबाद येथून आलेला नागरिक पॉझिटिव्ह ठरला आहे. मुल तालुक्यातीलच जानाळा येथूनही संपर्कातून पॉझिटिव्ह झालेल्या दोन नागरिकांचा समावेश आहे.
भद्रावती शहरातील पॉझिटिव्ह बाधितांच्या संपर्कातील पाच जणांना कोरोनाची लागण झाली असून शहरात सतत संख्या वाढत आहे.
गडचांदूर येथे देखील संपर्कातील ३ पॉझिटिव्ह पुढे आले आहेत.
